برنامج طلبيات الحديد اللي بيفهم شغل الورشة
من طلبية مكتوبة على ورقة أو صورة على الواتساب، لكروت تصنيع جاهزة للقص: الوزن والسعر والرسمات بثواني، وبدون أخطاء الحساب باليد.
كل شغل الطلبية، بمكان واحد
انبنى مع ورشة حديد حقيقية، فكل شاشة فيه بتحكي لغة الورشة: قضبان، كانات، قواعد، ريشت، ومفاتيح.
الوزن والسعر لحالهم
من جدول الأقطار وبقواعد التسعير تبعتك: بالكيلو أو بالحبة، مع الضريبة والنقل.
رسمة لكل صنف بقياساته
كانات، قواعد، شروش، كراسي وريشت: بتكتب A وB والطول بينحسب، والرسمة بتطلع بأرقامك.
كروت تصنيع جاهزة
كرت لكل سطر فيه الرسمة والقطر والطول والعدد والوزن، على ورق الكروت الجاهز 8 بالورقة.
قراءة الطلبية من صورة
صوّر الطلبية بالهاتف أو ارفع PDF، والأسطر بتنكتب لحالها وبتراجعها جنب الصورة قبل ما تنضاف.
تسعيرة ← طلبية ← تحمّلت
كل مستند إله مرحلة بكبسة، ولوحة شغل بتبيّن شو مفتوح وشو قيد التجهيز وشو تحمّل.
خطة قص وورقة تسليم
كم قضيب 12 متر بدك وكيف تقصّه وقديش الهالك، وورقة تسليم بتوقيع المستلم.
زبائن وموظفين
سجل لكل زبون برقم ورشة وترقيم طلبيات، وموظفين بيدخلوا الطلبيات بصلاحيات محدودة.
بياناتك محفوظة
حفظ تلقائي على السيرفر، ونسخة احتياطية بتنزّلها بأي وقت. وكلمات السر مشفّرة.
بتكتب السطر زي ما بتحكيه للورشة
اختار الشكل، اكتب القياسات والقطر والعدد، والبرنامج بيحسب الطول والوزن والسعر وبيرسم الشكل بأرقامك.
- تنبيه لو الطول مكتوب بالمتر بالغلط أو القطر مش من الجدول
- بتكتب بالسنتيمتر أو بالمتر، وبتسمّي الأشكال بأسماء ورشتك
- عرض سعر بتقدر تعدّل فيه أي سعر يدوياً
كروت بتركب على ورق الكروت بالزبط
8 كروت بالورقة على القصّات، والثقب بيضل فاضي. وكمان جدول طباعة وعرض سعر وخطة قص وورقة تسليم، بالعربي أو بالعبري.
- اسم شركتك بخط جميل على كل كرت
- رمز QR على الكرت بيوصلك للطلبية
- صفحة معايرة لأي طابعة
صوّر الطلبية، والأسطر بتنكتب لحالها
من الهاتف بتصوّر ورقة الزبون أو بترفع PDF، وبتطلعلك الأسطر جنب الصورة لتراجعها وتصلّحها. ما بينضاف إشي إلا بموافقتك.
تبلّش بأقل من 10 دقايق
ما في تنزيل ولا تركيب: بتفتح الرابط من الكمبيوتر أو الهاتف وبتشتغل.
احكي معنا
بنفتحلك حساب للورشة باسمها، مع رابط دخول خاص فيك، وأول 5 أيام مجاناً.
حط أسعارك
سعر الحديد والضريبة والنقل، وضيف الموظفين إذا بدك. وكل شي بينحفظ لحاله.
ابدأ اكتب طلبيات
تسعيرة، طلبية، كروت للورشة، وورقة تسليم للسائق. من أي جهاز.
جرّبه على شغلك الحقيقي
5 أيام ببلاش على شغلك الحقيقي، وبعدها بتقرّر.
5 أيام تجربة مجانية
بدون بطاقة دفع وبدون التزام. بعد التجربة: اشتراك شهري أو سنوي حسب حجم ورشتك. احكي معنا ونعطيك السعر.
- كل المميزات
- كمبيوتر وهاتف
- دعم بالواتساب
- بياناتك بتنزّلها بأي وقت
أسئلة بتتكرر
بدّه تنزيل أو تركيب؟
لا. بتفتح رابط ورشتك من المتصفح على الكمبيوتر أو الهاتف، وعالهاتف بتقدر تضيفه للشاشة الرئيسية زي التطبيق.
وين بتنحفظ بياناتي؟ ومين بيشوفها؟
على سيرفر محمي، وكل ورشة بياناتها لحالها. إنت والموظفين اللي بتضيفهم بس بتشوفوها، وبتقدر تنزّل نسخة احتياطية منها بأي وقت.
بيشتغل بالعبري؟
آه. الواجهة بالعربي أو العبري أو الإنجليزي، والكروت والطباعة بالعربي أو العبري حسب الزبون.
كم موظف بقدر أضيف؟
المالك بيضيف موظفين من الإعدادات. الموظف بيدخل الطلبيات ويطبع الكروت، والأسعار والإعدادات للمالك بس.
شو بيصير بعد التجربة المجانية؟
إذا عجبك بنتفق على اشتراك شهري أو سنوي. وإذا لأ، الحساب بيتوقف بدون أي دفعة، وبياناتك بتضل إلك.
جاهز تجرّب؟
ابعتلنا عالواتساب وبنفتحلك حساب اليوم.